Kærunevndin hjá Studna

Allar avgerðir, tiknar av Studna, kunnu kærast til Kærunevndina hjá Studna, áðrenn 6 vikur eru gingnar eftir at boðað er frá avgerðini. Avgerð Kærunevndarinnar er endalig innan fyrisitingina. 

Í Kærunevndini eru tríggir limir. Í nevndini sita í løtuni: 

Anna Borg Dahl løgfrøðingur og formaður í nevndini 
Heðin D. Poulsen, løgfrøðingur 
Bjørg Róin, lestrarvegleiðari

Reglurnar fyri Kærunevndina hjá Studna eru ásettar í løgtingslóg nr. 36 frá 3. mai 2007 um lestrarstuðul. 

Kæran skal helst verða latin inn skrivliga eins og grundgivið eigur at verða fyri kæruni. Avrit av kærdu avgerðini skal leggjast við, umframt møgulig onnur skjøl av týdningi fyri kæruna. 

Tað er ókeypis at kæra, men kærarin má sjálvur bera møguligan kostnað, um hann undir kæruviðgerðini letur seg umboða av øðrum. 

Dentur verður lagdur á at avgreiða kærumálini skjótast til ber, men m.a. orsakað av krøvunum til málsupplýsing og partshoyring má roknast við, at uml. 2 1/2 mánaðir ganga, áðrenn Kærunevndin kann taka avgerð á fullgóðum grundarlagi. Undir viðgerðini gevur Kærustovnurin kæraranum leypandi kunning um gongdina í kærumálinum. 

Føroya Kærustovnur er skrivstova hjá nevndini. Kærur til nevndina skulu tí sendast til: 

Kærunevndin hjá Studna 
c/o Føroya Kærustovnur 
Undir Hornabakka 
Postboks 45 
110 Tórshavn

 

Kæruavgerðir

Her ber til at síggja ónavngivnar avgerðir tiknar av Kærunevndini hjá Studna.